सूचना- विभिन्न मुलुकहरूका लागि नेपालको राजदूत पदमा आवेदन/सिफारिस आह्वान

नेपाल सरकार
परराष्ट्र मन्त्रालय
सिंहदरबार, काठमाडौं

सूचना

विषय: विभिन्न मुलुकहरूका लागि नेपालको राजदूत पदमा आवेदन/सिफारिस आह्वान

नेपालको परराष्ट्र नीति, अन्तर्राष्ट्रिय सम्बन्ध र कूटनीतिको प्रभावकारी सञ्चालन तथा प्रवर्द्धन गर्नका लागि नेपाल सरकार, परराष्ट्र मन्त्रालयले विभिन्न मुलुकहरूका लागि नेपालको राजदूत पदमा योग्य तथा इच्छुक नेपाली नागरिकहरूको दरखास्त/सिफारिस आह्वान गरेको छ।

यस नियुक्ति प्रक्रिया अन्तर्गत इच्छुक तथा योग्य उम्मेदवारहरूले स्वयम्ले पनि आफ्नो दरखास्त पेश गर्न सक्नेछन् साथै अन्य कुनै व्यक्ति तथा निकायले योग्य उम्मेदवारको नाम सिफारिस गर्न सक्ने व्यवस्था गरिएको छ।

राजदूत नियुक्तिसम्बन्धी निर्देशिका, २०७५ को अधीनमा रह‍ी तयार गरिएको वेबसाइटमा उपलब्ध कार्यशर्त (TOR) बमोजिमको आवश्यक योग्यता पुगेका उम्मेदवारहरूको सिफारिस गर्न सकिनेछ।

आवेदन प्रक्रिया तथा अन्तिम मिति:

सम्भावित उम्मेदवारहरूको आवेदन/सिफारिस गर्दा मन्त्रालयको आधिकारिक वेबसाइटमा उपलब्ध फारममार्फत विस्तृत व्यक्तिगत विवरण (CV/Bio-data) लगायतका कागजातहरू पेश गर्नुपर्नेछ वा तल दिएको इमेल ठेगानामा सम्पर्क पनि गर्न सकिनेछ।

दरखास्त/सिफारिस बुझाउने अन्तिम मितिः २०८३ जेठ २२  (५ जुन २०२६) अपरान्ह १७:०० बजेसम्म

रीत नपुगेका वा तोकिएको म्याद नाघी आएका आवेदनहरूलाई छनौट प्रक्रियामा समावेश गरिने छैन। मन्त्रालयले प्राप्त आवेदन तथा सिफारिसहरूबाट प्रारम्भिक सूची तयार गरी योग्यता र उपयुक्तताका आधारमा उम्मेदवारहरूको सर्टलिस्ट (shortlist) गर्नेछ। सर्टलिस्टमा परेका उम्मेदवारहरूलाई मात्र थप प्रक्रियाका लागि सम्पर्क गरिनेछ।

थप जानकारीका लागि सम्पर्क:

ठेगाना: परराष्ट्र मन्त्रालय, सिंहदरबार, काठमाडौं ४४६००, नेपाल

फोन: +९७७-१-४२००१८२ -१८५, एक्सटेन्सन: २४०

इमेल: fmo@mofa.gov.np / application@mofa.gov.np

वेबसाइट: www.mofa.gov.np

नोटः मन्त्रालयको वेबसाइटमा उपलब्ध फारम भर्न कुनै कठिनाइ भएमा मागिएको विवरण उपर्युक्त इमेलमा पठाउन सकिनेछ।

TOR Link: https://mofa.gov.np/content/1816/terms-of-reference--ambassador-of-nepal/ 

Application Form Link: https://mofa.gov.np/pages/applynow/